Հայաստանի Բանկերի Միություն
ՀԲՄ-ի և Հայաստանի ներդրումային խորհրդի միջև հաստատված համագործակցությունը կուղղվի գործարար միջավայրի բարելավմանը
Հայաստանի բանկերի միության և Հայաստանի ներդրումային խորհուրդի միջև ստորագրվել է համագործակցության և փոխըմբռնման հուշագիր՝ առաջիկայում համապատասխան ոլորտային օրենսդրական փաթեթների շուրջ արդյունավետ համատեղ աշխատելու նպատակով։
ՀԲՄ գործադիր տնօրեն Սեյրան Սարգսյանի փոխանցմամբ՝ փոքր և միջին ձեռնարկատիրության (ՓՄՁ) զարգացմանը, ներդրումների խրախուսմանը և գործարար միջավայրի բարելավմանն ուղղված համագործակցությունը կխթանի երկու կառույցների միջև փոխշահավետ կապերի ամրապնդումը։
«Քիչ չեն այն խնդիրներն ու աշխատանքային ուղղությունները, որոնց մասով միությունները և գործարար հանրությունը ներկայացնող կառույցները պետք է համատեղեն ուժերը՝ առկա հարցերը բարձրաձայնելու և դրանց արդյունավետ լուծումներ տալու նպատակով։ Վերջինս կնպաստի նաև միջազգային կառույցների հետ համագործակցությանը»,-նշել է Սեյրան Սարգսյանը։
Նմանատիպ նորություններ
ԱՐԱՐԱՏԲԱՆԿ ԲԲԸ-ի հերթական տարեկան ժողովին մասնակցեց «Հայաստանի բանկերի միության նախագահ Դանիել Ազատյանը։
«Հայաստանի բանկերի միություն»-ը և «Հայաստանի Օքսֆորդի շրջանավարտների բիզնես ակումբ»-ը ստորագրել են համագործակցության հուշագիր, որով ամրապնդել են ֆինանսաբանկային ոլորտում առաջընթացի նոր ծրագրեր իրականացնելու հեռանկարը։
Բանկային և կառուցապատման ոլորտի ներկայացուցիչների մասնակցությամբ այսօր տեղի ունեցավ «Հայաստանի բանկերի միության» և «Միջազգային ֆինանսական կորպորացիայի» համագործակցությամբ կազմակերպված «Կայուն հորիզոններ. ուրվագծելով Հայաստանում կանաչ կառուցապատման ներդրումների ապագան» միջոցառումը։
