Հայաստանի Բանկերի Միություն
ՀԲՄ-ն մասնակցել է «Բանկային համակարգի աշխատանքի կազմակերպումը COVID-19-ի պայմաններում» տեսակոնֆերանսին
ԵվրոԱսիական համագործակցության ֆինասաբանկային ասոցիացիայի նախաձեռնությամբ տեղի է ունեցել տեսակոնֆերանս՝ նվիրված «Բանկային համակարգի աշխատանքի կազմակերպումը COVID-19 համավարակի պայմաններում» թեմային: Տեսակոնֆերանսում ելույթներով հանդես են եկել ասոցիացիայի անդամ շուրջ 40 կառույցների ներկայացուցիչներ:
Հայաստանում կորոնավիրուսի տարածման կանխարգելմամբ պայմանավորված արտակարգ դրության պայմաններում ՀՀ բանկային համակարգի գործունեության վերաբերյալ զեկույցով հանդես է եկել ՀԲՄ գործադիր տնօրեն Սեյրան Սարգսյանը: Ներկայացվել են համակարգում հեռավար աշխատանքի կազմակերպման և հաճախորդների սպասարկման փորձը, բանկային ծառայությունների առցանց տիրույթում հասանելիության հնարավորությունները, ինչպես նաև բանկերի կողմից հաճախորդների աջակցության ծրագրերն ու Կառավարության հակաճգնաժամային միջոցառումներին բանկերի մասնակցության արդյունքները:
Հավելենք, որ ներկայումս ԵվրոԱսիական համագործակցության ֆինասաբանկային ասոցիացիան միավորում է Եվրոպայի և Ասիայի 20 երկրների ֆինանսաբանկային և գործարարների միությունները, առևտրային բանկերն ու կազմակերպությունները, ինչպես նաև հասարակական և գիտաարտադրական միավորումները:
ՀԲՄ հասարակայնության հետ կապերի ծառայություն
