Union of Banks of Armenia

The Union is the legal entity non-commercial organization and its goal is to present the corporate interests of its members.

Հայաստանի բանկերի միության գործադիր տնօրեն Սեյրան Սարգսյանի շնորհավորանքը Հայ մամուլի օրվա առթիվ

16.10.2021
Հայաստանի բանկերի միության գործադիր տնօրեն Սեյրան Սարգսյանի շնորհավորանքը Հայ մամուլի օրվա առթիվ

  Զանգվածային լրատվության միջոցների հարգելի´ ներկայացուցիչներ,

  Սրտանց շնորհավորում եմ բոլորիդ ձեր մասնագիտական տոնի՝ Հայ մամուլի օրվա առթիվ։

  Անհերքելի փաստ է, որ ժամանակակից աշխարհում անփոխարինելի է մամուլի դերը հասարակական կարծիքի ձևավորման գործում: Լինելով իրադարձությունների կենտրոնում՝ դուք ձեր օպերատիվ և անկողմնակալ աշխատանքով ապահովում եք հանրության իրազեկվածությունը՝ բարձրաձայնելով նաև վերջինիս հուզող խնդիրները և հաճախ ձեր ներդրումն ունենալով դրանց լուծման հարցում։

  Մշտապես կապի մեջ լինելով գործընկեր լրատվամիջոցների հետ՝ մենք կարևորում ենք մամուլի հետ ազատ ու փոխադարձ հարգանքի մթնոլորտում համագործակցելու աշխատաոճը: Նաև ձեր օգնությամբ մենք պարբերաբար իրազեկում ենք հանրությանը ֆինանսական և բանկային համակարգի նորություններին՝ հարկ եղած դեպքում ներկայացնելով նաև մասնագիտորեն հիմնավորված պարզաբանումներ քաղաքացիներին հուզող հարցերի վերաբերյալ։

  Այսօր առավել քան երբևէ ամեն մեկս մեր տեղում պարտավոր է անել հնարավոր ամեն բան՝ մեր երկրի առջև ծառացած մարտահրավերները հաղթահարելու և հայրենիքը զարգացնելու համար, և այս հարցում դուք ևս ունեք պատասխանատու առաքելություն։

  Մեկ անգամ ևս շնորհավորելով մասնագիտական տոնի առթիվ՝ բոլորիդ մաղթում եմ նորանոր հաջողություններ ու ձեռքբերումներ ձեր աշխատանքում:

 

Սեյրան Սարգսյան

ՀԲՄ Գործադիր տնօրեն