Union of Banks of Armenia
The Union is the legal entity non-commercial organization and its goal is to present the corporate interests of its members.
ՀԲՄ նախագահը՝ FINTECH360 միջազգային համաժողովի մասնակից
17.04.2025
ՀԲՄ նախագահ Դանիել Ազատյանն այսօր մասնակցել է Երևանում անցկացվող FINTECH360 միջազգային համաժողովին՝ հանդես գալով ողջույնի խոսքով։
ՀԲՄ նախագահի ողջույնի խոսքի հիմնական ուղերձները․
- Այսօր, երբ տեխնոլոգիաներն աննախադեպ արագությամբ զարգանում են, ֆինտեխ ոլորտը հանդիսանում է աշխարհի ամենադինամիկ աճող և ազդեցիկ ոլորտներից մեկը և թվայնացման գործընթացների շնորհիվ Հայաստանի բանկային համակարգում ևս տեղի են ունենում զգալի փոփոխություններ․ ակտիվորեն ներդրվում են նորարարական տեխնոլոգիաներ՝ դիջիթալ բանկինգի, բջջային հավելվածների, անխափան էլեկտրոնային փոխանցումների և ժամանակակից վճարային լուծումների միջոցով։
- Թվային դարաշրջանը բերում է ոչ միայն հնարավորություններ, այլև պատասխանատվություն։ Մենք կանգնած ենք մի երկխոսության միջև՝ տեխնոլոգիաների ու անվտանգության, արագության ու վստահելիության, ստեղծարարության ու կարգավորման միջև։ Եվ որքան էլ այդ երկխոսությունը բարդ լինի, այն պետք է կայանա՝ խորությամբ, պատասխանատվությամբ և ապագայի տեսլականով։
- Ֆինտեխ 360 միջազգային կոնֆերանսը և նմանօրինակ ֆորմատով անցկացվող այլ հանդիպումներ վստահաբար կարող են դառնալ այդ երկխոսության կայացման հարթակ՝ միավորելով ոլորտի առաջատարներին ու մասնագետներին։ Այս հարթակը մեզ ընձեռում է հնարավորություն ոչ միայն հետևելու գլոբալ միտումներին, այլև հանդես գալու որպես առաջատարներ՝ համատեղ ձևավորելով այն լուծումները, որոնք կծառայեն ֆինանսական ոլորտի շարունակական ու կայուն զարգացմանը։
