Union of Banks of Armenia

The Union is the legal entity non-commercial organization and its goal is to present the corporate interests of its members.

Մեկնարկել է «ՓՄՁ ոլորտի ֆինանսավորման հնարավորություններն ու հեռանկարները» թեմայով համաժողովը

02.04.2025

Հայաստանի բանկերի միության նախաձեռնությամբ կազմակերպված համաժողովի նպատակն է ներկայացնել ՀՀ բանկերի սեփական ռեսուրսներով և տարբեր միջազգային ծրագրերով իրականացված ՓՄՁ վարկավորման ծրագրերը և դրանց արդյունավետությունը, ինչպես նաև ֆինանսական հասանելիության ընդլայնման հնարավորությունները՝ թվայնացման և տեխնոլոգիական նորարարությունների միջոցով։

Համաժողովի շրջանակում միջոցառման համակազմակերպիչ Գերմանահայկական հիմնադրամի կողմից ներկայացվեց Միջազգային ֆինանսական կազմակերպություններ և ԳՀՀ-ի կողմից իրականացվող վարկային ծրագրերը, ինչպես նաև հայաստանյան ֆինանսական կազմակերպություններ ծրագրերն ու արդյունքները։

«ՓՄՁ ոլորտի ֆինանսավորման հնարավորություններն ու հեռանկարները» թեմայով համաժողովն առանձնացավ նաև «ՓՄՁ-ների հաջողված պատմություններ․ արտադրողականության աճ և կայուն զարգացում, մարտահրավերներ և հնարավորություններ» խորագրով պանելային քննարկմամբ, որի ընթացքում ոլորտի առաջատար մասնագետները և հաջողակ ձեռնարկատերերը խոսեցին իրենց փորձի, ֆինանսավորման մարտահրավերների, ինչպես նաև ֆինանսական կառույցների հետ համագործակցության հնարավորությունների մասին։

Միջոցառմանը մասնակցեցին ինչպես տեղական և միջազգային ֆինանսական կառույցների, այնպես էլ հրավիրյալ այլ գործընկեր կառույցների և կազմակերպությունների բարձրաստիճան պաշտոնյաներ, ՓՄՁ վարկառուներ։

Մանրամասները՝ տեսանյութերում

Հանրային հեռուստաընկերության Լուրերի անդրադարձը

BanksNews.am-ի անդրադարձը