Հայաստանի Բանկերի Միություն
Հայկական և վրացական բանկային համակարգերը շատ ընդհանրություններ ունեն. «Bank of Geօgia»-ի գլխավոր տնօրեն
Վրաստան կատարած այցի ընթացքում Հայաստանի բանկերի միության նախագահ Դանիել Ազատյանը հանդիպել է նաև «Bank of Geօgia»-ի գլխավոր տնօրեն Արչիլ Գաչեչիլաձեի հետ։
Հանդիպման ընթացքում ՀԲՄ նախագահը ողջունեց «Bank of Geօrgia»-ի մուտքը հայաստանյան բանկային համակարգ և հույս հայտնեց, որ բանկը նոր շունչ կբերի և կակտիվացնի մրցակցային մթնոլորտը։
Արչիլ Գաչեչիլաձեն իր հերթին նշեց, որ իրենց համար հետաքրքիր է հայաստանյան բանկային համակարգը, քանի որ կան շատ ընդհանրություններ։
Կողմերը վերահաստատեցին, որ երկու երկրների առևտրային բանկերն աշխատում են միջազգային չափանիշներին համապատասխան, և առանձնակի նշեցին, որ թե՛ Հայաստանում, թե՛ Վրաստանում օրենսդրությունը և առկա կարգավորումները պարարտ հող են ստեղծում բանկային համակարգի հետագա զարգացման համար։
Դանիել Ազատյանը և «Bank of Geօgia»-ի գլխավոր տնօրենը քննարկեցին նաև բանկային համակարգի ժամանակակից մարտահրավերները և լուծման հնարավորությունները։
Նմանատիպ նորություններ
Հայաստանի բանկերի միության հրավերով սեպտեմբերի 14-ին տեղի է ունեցել ՀՀ Ազգային ժողովի պատգամավորների և ՀՀ առևտրային բանկերի նախագահների հանդիպումը՝ բիզնես նախաճաշի ձևաչափով։
Թբիլիսի կատարած այցի ընթացքում Հայաստանի բանկերի միության նախագահ Դանիել Ազատյանը հանդիպում ունեցավ նաև «TBC» բանկի ղեկավար կազմի հետ։
