Հայաստանի Բանկերի Միություն
ՀԲՄ-ն հյուրընկալել է միջազգային փորձագետ պրոֆեսոր Լեսլի Սզամոզիին
ՀԲՄ նախաձեռնությամբ և ֆինանսաբանկային ոլորտի մարդկային ռեսուրսների կառավարիչների (HR) մասնակցությամբ կայացավ սեմինար-հանդիպում՝ միջազգային փորձագետ պրոֆեսոր Լեսլի Սզամոզիի (Prof. Leslie T. Szamosi) հետ։
Պրոֆեսոր Լեսլի Սզամոզին մարդկային ռեսուրսների կառավարման և կազմակերպական վարքագծի ոլորտում ամենապահանջված բանախոսներից է։ Նա University of York Europe Campus CITY College-ի MBA (Master of Business Administration) ծրագրի տնօրենն է, ինչպես նաև MBA-ների ասոցիացիայի (AMBA) միջազգային ֆակուլտետի հավատարմագրողն ու համանախագահը։
Սեմինարի շրջանակում մասնակիցները ծանոթացան մասնավորապես խրախուսման և կազմակերպական մշակույթի, ինչպես նաև հաղորդակցման համակարգերի առանձնահատկություններին։ Ինտերակտիվ սեմինարն ուղեկցվեց ակտիվ հարց ու պատասխաններով, իրավիճակային քննարկումներով և կոնկրետ օրինակների փորձաքննություններով։
Սեմինարի ավարտին պրոֆեսոր Լեսլի Սզամոզին ֆինանսաբանկային ոլորտի մարդկային ռեսուրսների կառավարիչներին հանձնեց մասնակցության հավաստագրերը:
Նմանատիպ նորություններ
ԱՐԱՐԱՏԲԱՆԿ ԲԲԸ-ի հերթական տարեկան ժողովին մասնակցեց «Հայաստանի բանկերի միության նախագահ Դանիել Ազատյանը։
«Հայաստանի բանկերի միություն»-ը և «Հայաստանի Օքսֆորդի շրջանավարտների բիզնես ակումբ»-ը ստորագրել են համագործակցության հուշագիր, որով ամրապնդել են ֆինանսաբանկային ոլորտում առաջընթացի նոր ծրագրեր իրականացնելու հեռանկարը։
Բանկային և կառուցապատման ոլորտի ներկայացուցիչների մասնակցությամբ այսօր տեղի ունեցավ «Հայաստանի բանկերի միության» և «Միջազգային ֆինանսական կորպորացիայի» համագործակցությամբ կազմակերպված «Կայուն հորիզոններ. ուրվագծելով Հայաստանում կանաչ կառուցապատման ներդրումների ապագան» միջոցառումը։
