Հայաստանի Բանկերի Միություն
Խնայողությունների համաշխարհային օրվա առիթով տեղի է ունեցել մրցանակների հանձնման միջոցառում
Հայաստանի բանկերի միության նախաձեռնությամբ իրականացվող «Ֆինանսական գրագիտություն և հմտություններ» խորագրով միջոցառումների ծրագրի շրջանակներում, Խնայողությունների համաշխարհային օրվա կապակցությամբ, տեղի է ունեցել մրցանակների հանձնման արարողություն:
Հանդիսավոր արարողության բացման խոսքով հանդես է եկել Հայաստանի բանկերի միության գործադիր տնօրեն Ս. Սարգսյանն՝ ընդգծելով Խնայողությունների համաշխարհային օրվա առիթով կազմակերպվող տարաբնույթ միջոցառումների կարևորությունները, ինչպես նաև տվյալ ասպարեզում հանրության ֆինանսական գրագիտության բարձրացմանն ուղղված նախաձեռնությունների անհրաժեշտությունը:
Հայաստանի բանկերի միության կողմից մրցանակներ են հանձնվել նախապես հայտարարված «Բիզնես-պլանի կազմում» թեմայով մրցույթում, գնահատող հանձնախբի որոշմամբ, հաղթող ճանաչված ուսանողներին (Գևորգ Խաչատրյան- Հայաստանի ազգային պոլիտեխնիկական համալսարանի Գյումրու մասնաճյուղ, Հրաչյա Զաքարյան- Երևանի պետական համալսարան, Տիգրան Մանուկյան-Հայաստանի Ամերիկյան համալսարան) և «Ապագայի բանկն՝ իմ պատկերացմամբ» խորագրով շարադրությունների մրցույթին լավագույն մասնակցություն ունեցած աշակերտին (Հասմիկ Այվազյան-Շիրակի մարզի Սառնաղբյուրի միջնակարգ դպրոց):
Այնուհետև «ԱյԴի բանկ» ՓԲԸ-ի և «Հայբիզնեսբանկ» ՓԲԸ-ի կողմից տարբեր անվանակարգերում հուշանվերներ են հանձնվել «Բիզնես-պլանի կազմում» թեմայով մրցույթի՝ հիշյալ բանկերի կողմից նախընտրելի մասնակիցներին:
Հանդիսավոր միջոցառման շրջանակներում Ավանդների հատուցումը երաշխավորող հիմնադրամի տնօրեն Հ. Հարությունյանի կողմից մրցանակ է հանձնվել հիմնադրամի կողմից անցկացված ինֆոգրաֆիկ աշխատանքների «Խնայում եմ՝ հանուն...» թեմայով մրցույթում հաղթող աշակերտին (Արեգ Վարդանյան-Հայաստանի ազգային պոլիտեխնիկական համալսարանի ավագ դպրոց):
Հայաստանի բանկերի միության
հասարակայնության հետ կապերի ծառայություն
Նմանատիպ նորություններ
ԱՐԱՐԱՏԲԱՆԿ ԲԲԸ-ի հերթական տարեկան ժողովին մասնակցեց «Հայաստանի բանկերի միության նախագահ Դանիել Ազատյանը։
«Հայաստանի բանկերի միություն»-ը և «Հայաստանի Օքսֆորդի շրջանավարտների բիզնես ակումբ»-ը ստորագրել են համագործակցության հուշագիր, որով ամրապնդել են ֆինանսաբանկային ոլորտում առաջընթացի նոր ծրագրեր իրականացնելու հեռանկարը։
Բանկային և կառուցապատման ոլորտի ներկայացուցիչների մասնակցությամբ այսօր տեղի ունեցավ «Հայաստանի բանկերի միության» և «Միջազգային ֆինանսական կորպորացիայի» համագործակցությամբ կազմակերպված «Կայուն հորիզոններ. ուրվագծելով Հայաստանում կանաչ կառուցապատման ներդրումների ապագան» միջոցառումը։